Dhivehi vaahaka: Kanfathu Handi

Dhivehi vaahaka: Kanfathu Handi: ކަންފަތު ހަންޑި ޙުސައިން ސިރާޖު މަނާލް ސުކޫލުން އަންނަނިކޮށް ހަންޑިއަކާ ދިމާވިއެވެ. އެއީ، ވަރަށް ރައްޓެހި ހަންޑިއެކެވެ. އެހަން...

Hdh.Atoll

ތިލަދުންމަތީ ދެކުނުބުރީގެ މަލަ

ޙުސައިން ސިރާޖު ޢުމަރު

ތަރުތީބުކޮށް ކުރަހަންފަށަން ތިލަދުން މަތިން ނަލަ މަންޒަރެއް

ބަރުހިތް ނުކޮށް ރަށްތަކު ތެރޭން މޯހިރު ބަލާ ދިއުމަށް މަގެއް

ފަރިދޫގެ މަލަ ފެނިފައި ހިތަށް ގެނުވައިދެއޭ ހިތްދަތި ކަމެއް

ފަރިކަން އެވާ އުސްފަސްގަނޑުން ހެކިކޮށްދެއޭ މާޒީތަކެއް

ފަޅުކޮށް ދެބުރު ހޮޑައިދޫ ދިއުމުން ވިޔޭ މޮޅު މީހުނަށް

ކަޅުކޮށް ލިޔެވި ތާރީޚް ގައި އުޅުނޭ އެތާ ބޮޑު ޖާހިލެއް

ހަނިކޮށް ނިމޭ މާތުނޑި ފުޅެއް ލިބިފައި އޮތަސް ހަނިމާދުއަށް

ހަނިކަން ނުވާ މަސްރޫޢުތައް ދަސްކޮށް ދިނޭ މޮޅު ގޮތްތަކެއް

ފަނޑުކަން ނުވާ ބޮޑުގަސް ފިނޭ ނަން ކޮށްލަމޭ ތިލަދުން މަތިން

            ދަނޑުވެރިކަމުން ކުރި ހޯދަމުން ހޯދިޔެ ނަފާ ފައިދާ ތަކެއް

ލެފުމާ ފުރުން ފަހިކޮށް އަބަދު ލިބިފައި ވަނީ ނައިވާދުއަށް

ލެފުމުން ފެނޭ ދިރުމާ ކެރުން ކުޑަކުޑަ ރަށުން އެތަކެއް ތަނެއް

ސީދާ ދަމޭ ހިރިމަރަދުއަށް ތިންރޭ މަތިން ވިހަ ކެޑުވުމަށް

މީދާ ފެނޭ އެފެނަށް ކިއަސް އޭގައި ވެޔޭ މޮޅު ތާސިރެއް

ޣާޒީ ރަދުން ނޮޅިވަރަންފަރަށް ދެއްވީ ކުރަން ހެޔޮ ވެރި ކަމެއް

މާޒީވެ ގޮސް ޤަރުނުން ހަތަރު ހަމަކޮށް އައީ ފެންކަޅި ވުމެއް

މަސްވެރި ކަމާ ދަނޑުވެރި ކަމުން ވަނައެއް ދެވޭ ނެއްލައިދުއަށް

ފަސްދީފަގޮސް މާޒީ އެކަށް ބެލުމުން ނެތޭ ދެރަ އެއްކަމެއް

މޮޅުކޮށް ހެދޭ ބިލެތުގެ ނަފާ ހޯދަން ދަނީ ނޮޅިވަރަމަށޭ

ކޮޅު ކޮޅު މަތިން ބެލިއަސް ރަށަށް ފެންނަން އޮތީ މޮޅު ރަންބިމެއް

ޒިކުރާ މަދަޙަ ނަލަކޮށް ކިއާ ކުރިބީ ތަކުރު ފާނުން ފަދައިން

ފިކުރާ އުޅުން ސޭޚުގެ ފުށުން ދަސްވީ މޮޅަށް ގިނަ ކަންތަކެއް

ކުނބުރުދޫ ޗަކަ ބިންތަކުން ފެނެއޭ އުޅޭތީ ކަންޒު ކަހަނބު

ގުނބުހެލި ނުދާ ގޮތްތައް ބަލާ ދުވެ ގެއްލެއޭ އިވުމުން އަޑެއް

ކުޅުދުއްފުށިން ހިތްވަރު ދިނީ މަސްވެރި ކަމާ ވިޔަފާރިއަށް

           ގުޅުވާ ލެވޭ ޚިދުމަތް ތަކުން ފެށިގެން އައީ މޮޅުވެރި ކަމެއް

ޢިބުރަތް ލިބޭހާ ގޮތްގޮތަށް ލެއްވީ ކަތެއް ބޮޑުމަސްމަތީ

ކިނބުލާ ކުމުންދޫ ގުޅިދިއުން އޮވެޔޭ މިތާ ބޮޑު ޙިކްމަތެއް

ޤައުމީ ރިކޯޑުން ޖާގައެއް ލިބިގެން ވަނީ ނޭކުރެންދުއަށް

އައުމުން ކަނޑޫފާ ފެންނަނީ ހެދިގެން އަރާ ނަލަ ގަސްތަކެއް

ދައުލަތުގެ މާތް އުއްތަމަކަމާ ފަނޑުކޮށް ނުދާ ތަޢުލީމަކުން   

" ވައިކަރަދުއޭ ރަށަކީ މަގޭ " ލިޔެލެއްވިއޭ މޮޅު މުޝްރިފެއް

މާވައިދުއަށް ދިއުމުން އެގޭ ދޫކޮށް ދިއައި ފަޅުދަތި ކަމުން

ހާވާ ބިމުން ބެލުމުން ފެނޭ ދަނޑުވެރި ކަމަށް މޮޅު ފަސްގަޑެއް

މާކަނޑު ތެރޭ އެކަހެރި ވެފާ މާމަކުނުދޫ އޮވެ ކުރިއަރާ

މާކެޔޮޅު ކަން މާޒީވެގޮސް ކުރެޔޭ އެތާ ހުރިހާ ކަމެއް

އެއްކޮށް ޅެމުން އަމުނާ މިލީ ފަހުގައި ދިރުން ހުރި ރަށްތަކޭ

ދެއްވުން އެދެން އަތޮޅަށް ޓަކާ ފާގަތި އަމާން ދުޅަހެޔޮ ކަމެއް